Һүнерменен хасыл болған нәрселер
- 0
- 1
Һүнердың афзалдығын еттім зікір,
Мұхтәрәм оқушылар, жібер пікір.
Ғылыммен хасыл болған нәрселерді
Жазайын баян етіп, тыңдап отыр.
Һүнерін халық файдасына жұмсап жүрген оқығандарымызға
Жау жүрек, қыран көзді арыстаным,Жан қыйып халық үшін қарысқаның.
Қатардан қазақ сорды қалдырмасқа
Бәйгеде ұлы дүбір жарысқаның.
Шешен тіл, фарасаттың саясында,
Ететін талмай қызмет данышпаным.
Атқан оқ, сермеген қол хата кетпей,
Түспейді табаныңа бар дұшманың.
Не қылса дертке шифа табылад деп,
Европа саяхлармен танысқаның.
Бір іске ғақылдаспақ болсаңыздар,
Уәғдаға хилаф қылмай табысқаның.
Әуелі Алла, екінші білер халқың
Риясыз көңліңіздің халыстарын.
Азуы алты қарыс айдаһармен
Кезекті сөз жібермей салысқаның.
Кезінде ғазиз жанды еттің фида,
Халқыңның жібермеске намыстарын.
Көздеген мәсәлләкке тез ерішіп
Хайырлы болғай еді шабыстарың.
Бір залым хиянатпен тоқтатпаса,
Қатардан өздігіңнен қалыспадың.
Фасықтар бой көрсетпей үйде жатыр
Һүнерге құлаш сермей алыстадың.
Қамалға қарсы шапқан қаһарманым
Жәһәләт микробларын тауыс бәрін.
Иншалла, халыққа берер үлкен тәһсір,
Жерлерде екі талай дауыстарың.
Өлсең шаһид, ғазысың тірі болсаң,
Қызметке берер ажар құдірет кәрім.
Қазақты төрге сүйреп бір жеткізші,
Дін, дүние жемісі боп табыстарың.
Пікірлер (0)
Пікір қалдырыңыз
Қарап көріңіз
Басқа да жазбалар
Пікірлер
-
Динара
Шынымен де әдемі мектеп екен -
Динара
қызық екен -
Айша
өте жақсы екен
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі