Өлең, жыр, ақындар

Мүдәррис әфәндіге жазған бір мәктубім

  • 21.09.2016
  • 1
  • 0
  • 3236
З... әфәндия жолдадым хат,
Көре алмай дидарыңыз біз бұл сағат.

Мақсудым жатырқамай жанасуда,
Жан құмар жақсыларға біздің ғадәт.

Іштегі көп хәстәні шығаруға,
Етпекте болған едік машауарат.

Сіз болып Исламның хадимінен,
Сахаби болып тұрсыз, зор мұхаббат.

Ғаламда афзал нәрсе болса мұнан,
Бір қолда болса мәгәр дәулет, һиммәт.

Ошақтың үш бұтынан тілеуменен,
Не уафа дүниеде еткен хәят.

Заманның баһадыры сіздер болып,
Орнына келгей еді еткен хәйриат.

«Таңдағы тәңіріден» деп біздің қазақ,
Жетті ғой түбімізге сол ғәфиләт.
Қараңғы бір сарайда қамаулымыз,
Есігін кім ашады бұл жәһалат?

Әлбетте өңгелері сіздің қолда
Тәуекел, не тоқтау бар? Бар да қират.

Мендағы тілек шарын салдым сізге,
Һәр іске болғай еді саләхият.

Құтқарсақ жаһилліктен қамын ойлап,
Нәсліміз оқыр бізге рақымет.

Мұбада ешбір файда ете алмасақ,
Айтпай ма сол уақытта бізге ләғнат.

Олай болса, әфәндім, ұйықтамалық,
Енді оянбай жатуымыз болар ұят.

Хайыр хош, сәләмәт тұр ғазизіміз,
Хат язғушы Мир Яғкуб ибн Дулат.



Пікірлер (0)

Пікір қалдырыңыз

Һүнерменен хасыл болған нәрселер

  • 0
  • 1

Һүнердың афзалдығын еттім зікір,
Мұхтәрәм оқушылар, жібер пікір.
Ғылыммен хасыл болған нәрселерді
Жазайын баян етіп, тыңдап отыр.

Толық

Намыс құрбанына

  • 1
  • 1

Сен жоғыңда бұ жалғанда,
«Жалғап олқы» дейді кім?
Сен келгенде арамызға,
Қанша Орасан толды кім?

Толық

Оян, қазақ!

  • 0
  • 12

Көзіңді аш, оян, қазақ, көтер басты,
Өткізбей қараңғыда бекер жасты.
Жер кeттi, дін нашарлап, хал һарам боп,
Қазағым, енді жату жарамас- ты.

Толық

Қарап көріңіз