"Тартады бозбаланы магнитім..." Майраның әндері

Бұл бетте «"Тартады бозбаланы магнитім..." Майраның әндері» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.10.2016
  • 0
  • 1
  • 6946
Баянның бақтарында,
шың-құзды шатқалында
ерке өскен жас маралмын,
шомылып ақ сағымға.
Біле алмай шамаңды әлі,
бозбала, құлшынасың,
тұңғиық жанардағы
толқынға тұншығасың!
Мергендер - көз қадарым,
танытар жігітті айбын,
бос белбеу бозбаланың
оғын да жуытпаймын!
Садақпен тартар ма адам
даланың ерке елігін.
Мекенім - дарқан далам,
жарысар жел - серігім.
Мұң жұтар жай жағада
жалынсыз жасық адам.
Мен барда айналама
шаттық-нұр шашыраған.
Алдымнан жарқырасын
ақ сәуле арайларым.
Жанарым шарпымасын,
жігітім, абайлағын!


Пікірлер (1)

Пр

Пр

Пікір қалдырыңыз

Жиі қойылатын сұрақтар

"Тартады бозбаланы магнитім..." Майраның әндері өлеңінің авторы кім?

Фариза Оңғарсынова — осы өлеңнің авторы.

"Тартады бозбаланы магнитім..." Майраның әндері өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

"Тартады бозбаланы магнитім..." Майраның әндері өлеңі не туралы?

Бұл өлеңде Фариза Оңғарсынова өз ойы мен сезімін көркем түрде жеткізеді.

"Тартады бозбаланы магнитім..." Майраның әндері өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері