Өлең, жыр, ақындар

Рақмет, алғашқы ұстаз!

  • 22.05.2017
  • 0
  • 0
  • 34580
Білім жол бәріне аңсарлы,
Ой зерек болса оған ұнадың.
Сендерді күлімдеп қарсы алды
Мектепте мейірімді мұғалім.

Қарсы алды сыныбың, партаң да,
Тәртіппен сен оған ұнадың.
Жүреді күлімдеп ортаңда
Тағы сол мейірімді мұғалім.

Ұстазың, мейірбан үні тым,
Қақпайды тым қатты бетіңді.
Қоғамның кішкентай үмітін
Баптайды жас шыбық секілді.

Ұстаздың сан қырлы әлемі,
Санасы, жүрегі – асқақ ар.
Қоғамға құрмет әуелі
Ұстазды сыйлаудан басталар.

Шәкірттер осында келеді,
Өзіне жаңаша дос табар.
Еліңе құрмет әуелі
Мектепті сүюден басталар.

Кешегі ұлылар ізісің,
Өткізбес босқа әр кез уақытты.
Отанның ұлысың, қызысың,
Отаны бар адам бақытты.

Әрқашан қамын жер баланың
Анаңды шаттықты күйге енгіз.
Құт болсын білімде қадамың,
Бірінші сыныптық ұл мен қыз.

Бәріне тым ыстық көрінген
Естисің қоңырау үнін кеп.
“Жақсы оқы” дегендей сеніммен
Сендерге елің тұр күлімдеп.



Пікірлер (0)

Пікір қалдырыңыз

Елі қымбат ұланға

  • 0
  • 0

Қойып бірде сұрағын,
Әлде іштей сынады.
Балалардан мұғалім:
"Не қымбат?" деп сұрады.

Толық

Ел үшін туған ер ұлы

  • 0
  • 1

Өткеннен бізге ой тартқан,
Көрінер тарих көзге ерек.
Елдігімді талай шайқалтқан,
Дұшпанда кеткен аз ба кек?!

Толық

Ару-болмыс

  • 0
  • 1

Сен біреуге басыңды име,
Олар саған иілсін.
Лайықсың жасын күйге,
Иілгенің-дүйім сын.

Толық

Қарап көріңіз