Талшыбық – Бимырзаева Әсел Маханбетқызы

Ей, талшыбық, сен өзгерт ұғымыңды,
Кешегі бабаңның сыры мұңлы.
Асау ғұмыр тасқыны басылды енді
Лайлатпа ешкімге тұнығыңды!

Біз жетпеген биікке сен жетерсің,
Сол үшін шыңда шалқар біліміңді.
Көзі ашық көкірегі ояу ұрпақ
Еңселі еліңе арна іліміңді!

Біздегі рух рухы теңселудің,
Емі қиын ес жиып еңсерудің.
Мен сонау аласапыран кезде тудым,
«Болашақ»деп бекідім,белді будым!
Сондада қиын маған сен болмасаң
Өйткені сен тәуелсіз елде тудың!

Еркін рух өзіңнен басталады,
Асқақтасын Алаштың асқақ әні!
Сен еркінсің, біз көрген бодандықтың
Нысада қалмаған тас қамалы!


Бимырзаева Әсел Маханбетқызы
Түркістан қаласы
№17 Ататүрік атындағы мектеп-гимназиясының мұғалімі