Тфәй, тфәй көз тимесін еліме!

Мақтанамын, марқайамын мен сенмен,
Ғасырлардың қиындығын еңсерген.
Қазағымның төріндегі жалаулар,
Мәңгілікке қаларына мен сенем.

Көгімізде желбіресін байрағың,
Бүгін міне, ұлы күн ғой тойлағың.
Қыран құсым көріп ұшсын көгімде,
Бұзылмаған қазағымның қаймағын.

Қазағымның мөрі болып қаланған,
Қалды енді алашымда не арман.
Елтаңбасы биік тұрсын елімнің,
Қазағымдай еркін болып жаралған.

Шарықтасын ән ұраным елімде,
Қоңыр үнің мәңгі қалсын жерімде.
Нұр ағаның жүрегінен шыққан сөз,
Мақтанышым менің және сенің де.

"Тәубә" дейік ей, алашым бұл күнге,
Тәуелсіздік еркін елде жүргенге.
Кейбір елдің тағдыры әлі қиын,
Мылтық даусы естіледі әр күнде.

Көз тігуде кейбір пасық жеріме,
Ал қазағым оны жатқа берді ме?!
Халқы аман, патшасы бар тағында,
Тфәй-тфәй көз тимесін еліме!

---