Арман жолындағы арғымақ – Дәурен Тлеуханұлы

???? Арман жолындағы арғымақ????

Тұсау салып қойғандай өмір маған,
Керме жібін үзе алмай көңіл де алаң.
Жазмышымның жүктерін арқалауда,
Бір Көмегің керек -ау сенің маған .

Албырт көңіл асаудай алабұртып,
Саған асық,әйтеуір ,саған ынтық.
Тәуелділік дертімен төбелесіп,
Сағатыммен жатамын жаға жыртып.

Неге осынша беймаза кейіптемін?
Биік пе едің,жоқ әлде күйік пе едің?
Өлеңімді оқыған былай тұрсын ,
Керегімді байқамас сүйікті елім...

Білем,түнім ұзақтау таңнан гөрі,
Осы түндер шідерлеп алған мені.
Тағдырымның тұсауын үзіп тастап,
Саған қарай шабамын,Арман жолы .

﹉Тлеухан Дәурен