Қайтейін – Бақберген Арысланбаев

Суретіңді қайтейін көріктенген..?
Естілмеді дүрсілдер жүректен кем.
Осындай беймаза жүрекпенен,
Қалайша мен өмір сүріп келгем?

Дауысыңды қайтейін еректелген..?
Естілмеді дүрсілдер жүректен кем.
Өлгенмін дауысыңды ұмытқалы,
Жолым саған апармас иректелген.

Ақылыңды қайтейін зеректелген..?
Береке қалмады ғой берекемнен.
Білесің мендегі сезім жайлы,
Не деп барам алдыңа себептермен?

Байқадым жүрегім дір еткеннен,
Опа жоқ сезімімді сыр еткеннен.
Асау мінез, Көкшенің құралайы,
Опа таппай жүрмін бе жүректен мен?