Жалған дүние

Дүниеге шыр етіп келгеніңмен
Алдыңда, міне, көрің қазулы тұр.
Мұрныңды қанша көкке шүйіргенмен
Тағдырың маңдайыңда жазулы тұр.

Ей, пенде, мына өмірдің қадірін біл
Алланың салып берген жолымен жүр.
Амал қыл сын сағаттар таяғанша
Қонақпыз ғой, қонақпыз өмірге бұл.

Сауап жина өмірден өткеніңше,
Сынақ үшін берілген тіршілік бұл.
Мал-мүлік, мейлі дәулет жинасаңда,
Байлығың бірге көрге бармасын біл.