Мен тәуелсіз Қазақпын! – AidanaOrynbassar

Ақын деген асаулықпен аздаған,
Батыр,өжет,азатпын!
Жалын ойым қыз жүректен маздаған,
Мен тәуелсіз Қазақпын!
Көкжиектің бұлтын күнмен ашатын,
Мейірбан да ғажаппын.
Бар ғаламға жан жылуың шашатын,
Дархан халық, Қазақпын.
Жүрегімді ар-намыс пен от тілген,
Жігерлі де қайсармын.
Өзге ұлтты өз жерімнен шет көрмен,
Жүзі нұрлы,жайсаңмын.
Тектілікті тұлғалық мән деп білген,
Дара тұлға, данамын.
Тәрбиені тал бесіктен көп көрген,
Сәби күлкі, баламын.
Маржан жырдың мәйегін сығып алып,
Керегімді жинайтын.
Дүрбелеңге дүрлігіп кетсем-дағы,
Жырларымды сыйлайтын.
Ақын деген асаулықпен аздаған,
Батыр,өжет,азатпын!
Жалын ойым қыз жүректен маздаған,
Мен тәуелсіз Қазақпын!