Дара тұлға(Мұқағалиға арнау) – Қадылбекова Зульфира Қадылбекқызы

Үлгі болып бар ақынға,
Тұлғалардың арасында
Мəңгілікке аты қалған
МҰҚАҒАЛИ-дара тұлға.

Ақынның өсиеті санасында,
Қыранның қасиеті қанатында.
Алтайдың ақиық мұзбалағын,
Жүз жылда бір табасың ба?

Қалың топтың арасында
Өрлей шапқан сан асуға
Бəйгелер көп болған ғой
Ілесе алмаған қарасына.

Құлагерді топтан озған табасың ба?
Құн жетпейді теңесеңде бағасына,
МҰҚАҒАЛИ өмірден өткенімен
Алуан-алуан жүйрік бар шамасында.

Жатыр бүгін ер-тұрманы бүтінделіп,
Өзіне жас алмаған күтім көріп.
Өрттей жанып өлеңің өршіп жатыр
Алладан "рухани" күтім көріп.

Бейнеңізді алыстан бір күн көріп,
Қонып жүр ғой кеудеме үнің келіп.
Нағыз дүлдүл ақындар туып жатыр
Санамызда қалғандай бүтінделіп.

Қара сөздің мəйегінің ұрқы келіп,
Жолға түскен жорғадай бүлкілдедік.
Уызына жарымаған қозыдайын,
Таңдай қақты жүріппіз ғой түртіп еміп.

Өз тіліміз өзімізге түрпіленіп,
Нəрінен көне сөздің үркіп едік.
Бүгін міне жайнаған жауқазындай,
Қайта көктеп,қайтадан дүркіредік.

Күн болып көк аспанда күркіредік,
Туымызды əлемнің жұрты көріп.
Өз қолымыз аузымызға жеткеніне
Разымын миығыма күлкі келіп.

Бейбіт өмірдің бұлты болып,
Қазағымның ұрқы қонып.
Қыранымыз аспанында қалықтады,
Елтаңбамыз ел есіне жылқы болып.

МҰҚАҒАЛИ-дың туған күнінің ырқы келіп,
Көкейден жүрек жарды жыр тіледік.
Қара өлеңге жауып кеткен шекпенінің,
Бір шетін жыртып алып,сілкіледік.