Мәңгілік ел -мұратым ! – Айнура Полатова

Мәңгілік ел – мұратым !
Ілгері жылжып, дәйім тек алға басасың,
Биікке самғап, құз биіктерден асасың.
Дамуға ғана таудай талаппен жылжитын
Мәңгілік елім мәңгілік қана жасасын !
Жақсылық жасап, жамандықтардан қашасың
Әділдік іздеп, шарқ ұрғандарға тасасың.
Қатігездерді мейірімділікпен баурайтын
Мәңгілік елім мәңгілік қана жасасын !
Домбыра тартып, тарихты жырға қосасың.
Білімділермен тың жаңалықтарды ашасың.
Өнер-ғылымға баулитын барлық жастарын
Мәңгілік елім мәңгілік қана жасасын !
Уақытың- тығыз, бірақ дәстүрге босасын
Батамен ғана ұзақ жолдарға басасың.
Бойына әдеп, ар мен намысын жинаған
Мәңгілік елім мәңгілік қана жасасын !
Жетеді жұрттар бірліксіз, аз-ақ ұстанымды
Татулығымыз біздің – үлгілі, ғажап іс танымды
Құшағыңды аш, әлем, жадыңа сақта, танып қой
Мызғымас менің мәңгілік Қазақстанымды!
Пейіліңдей кең-ау созылып жатқан қыратың
Құшағың ашық дұшпанға қастық қылатын.
Осындай дархан көңілмен айтам шүбәсіз
Қазақпыз біздер сөзінде бекем тұратын !
Қазақпыз біздер бақыттан алар қуатын !
Мәңгілік ел мұратым емес, ендеше
Мәңгілік ел- менің тұғыры биік шын атым !!!