Жақсы мен жаман – Нұрлыхан Сейтханов

Жақсы, Жаман - қасиет екі түрлі,
Әр адамның бойынан қалмайды екен.
Қызметтері екі түрлі болса да,
Тек біреуін өмірге таңдайды екен.

Екеуі де адамды тыңдайды екен,
Бұйрық беріп екеуін жұмсағанда.
Кешіріммен қараймыз сондықтан да,
Кесірін тигізсе де қанша адамға.

Жаманды бойға жинау оңай дейді,
Онымен өмір сүру қиын екен.
Жақсылық жинау қиын болғанмен,
Ол шіркін тозбайтұғын бұйым екен.

Қанша адамды өзі ойлап шығарғандай,
Оларды түрлі жолға салады екен.
Жақсы менен Жаманды бірдей санап,
Жанына содан ләззат алады екен.