Өлең, жыр, ақындар

Байқаймысың

  • 26.03.2018
  • 1
  • 7
  • 32102
Байқаймысың,
Байқаймысың
Мына ғажап тамашаны:
Бір адамға байланысты бір адамның болашағы.
Байыппенен көз жіберсең асау жылдар өрісіне,
Бір адамға байланысты бір адамның жеңісі де.
Бұл замани қағиданың мүмкін бе екен көнермегі,
Қозы Көрпеш аман тұрса, Баян сұлу өлер ме еді?
Исатайды жеңбесе жау, Махамбетті жеңер ме еді,
Қайран ақын тағдырының соққысына көнер ме еді?
Қайран ақын — сұңқар қиял, наркескен ол,батыл арман,
Исатайдан айрылғанда жер бауырлап жатып алған
Бұдан асқан қайғылы түн қонған емес басына оның,
Досы барда алшысынан тұрушы еді асығы оның.
О, сұмдық - ай,
Жаулық сезім парасатты паналапты,
Исатайдың өлімімен Махамбетті жаралапты...
Қадірлім - ау,
Көз жіберші асау жылдар өрісіне,
Бір адамға байланысты бір адамның жеңісі де.
Кейде мені мұқатпақ боп жаулар сені жамандайды,
Ал егер сен жамандалсаң бұл, әрине, маған қайғы.
Басымызға шиыр - шиыр күн туғанда құс таналы,
Кейде мені жеңу үшін жаулар саған күш салады.
Тайғақ өмір жолдарында сүрінгенде тірек алар,
Сүйенішім сен екенін айтпастан - ақ біледі олар.
Әлемнің бар ажарынан бізге достық сымбаттылау
Мен жадырап жүрсін десең, сен мықты бол,
Қымбаттым - ау.



Пікірлер (7)

Нұрай

Мұхтар Шахановтың өлеңдері өте керемет

Арайлым

Күшті өлең шымағы екен таң қалдым

нури

Бұл өлең не туралы айтылғаннн

нури

бұл өлең не туралы

Ирина

Мұхтар ағамыздың достыққа сондай бірік екені осы "Достық""тақырыбына жазылған өлең жолдарынан байқалады.Мағынасы өте терең әрі маңызды.

Ирина

Мұхтар ағамыздың достық тақырыбына жазылған өлең шумағы керемет.

Ирина

Достық тақырыбына маңызды жазылған

Пікір қалдырыңыз

Ғашықтық ғаламаты

  • 0
  • 26

Қартаң әйел жұмысыма іздеп келіп, жылады:
"Жалғыз қызым бар еді, айнам,
Тірлігімнің шынары
Еркелеттім,

Толық

Қымыз бен піспек

  • 0
  • 0

Кел, ағатай, сырласалық, ойласалық аз уақыт
Шабыт отын жаққандардың бірі сенсің маздатып.
Ара-тұра намысыңның желмаясын боздатып,
Ойларыңды ұлы Әуезов ойларына қоздатып,

Толық

Тереңдік жыры

  • 0
  • 1

Өзіңсіз келген күндерден,
Өзіңсіз терген гүлдерден,
Өзіңсіз кешкен ойлардан,
Өзіңсіз өткен тойлардан

Толық

Қарап көріңіз