Жеңгелерге ризамын!

Сағынғанда іздеп барам төркін деп,
Қарсы алады құшақ жайып күлімдеп.
Жаны жайсаң жеңгелерім алдымнан,
Күтіп алды, сұлу бикеш келді деп.
Жеңгелерім инабатты ибалы,
Жақсы келін бола білді еліне.
Үлгі болып келіндердің бәріне,
Көрсетеді жақсы болу амалын.
Жеңгем менің досым әрі сырласым,
Айта алам бар сырымды жасырмай.
Керек кезде табылады қасымнан,
Жеңгем менің нағыз сырлас досымдай.
Жеңгелерім атқарғанда қызметін,
Көрсетеді кішілерге ізетін.
Көргенімде жеңгелерді осындай,
Риза болып үлгі тұтам тосылмай.
Қызметіңді атқара бер шаршама,
Бойыңда бар жақсы өнер қаншама.
Сәлеміңді сала бергін иіліп,
Риза болып бата берсін ата-ана.
Батаменен бақыт қонсын басыңа,
Бар сәттілік жолдас болсын қасыңа.
Құдай қосқан қосағыңмен өмірде,
Бақытты боп жүргін сен де жанында.

---