Ұнатып ем бір сұлуды

Ұнатып ем бір сұлуды,
Ұзын бойлы ақ құба.
Жүрегімнен орын алды,
Ойлай берем сағына.
Айта алмай сезімімді,
Жасырардай боламын.
Көргенімде сол сұлуды,
Қалды тілім байлана.
Түсіне алмай бұл сезімді,
Жүрдім біраз ойлаумен.
Кім бар екен маған айтар,
Ғашықсың деп жай ғана.
Қалай айтам сол сұлуға,
Жүректегі сезімді.
Өз-өзіме бағынбайды,
Жүрек шіркін тұншыға.
Неткен ғажап ұлы сезім,
Жүрегім дүрсіл қағардай.
Келді маған ойда-жоқта,
Махаббат пайда болғандай.
Қарай қалсам мен өзіңе,
Ұшқынын көрем сезімнің.
Көремін көзден махаббаттың,
Маған деген жылуын.

---