Ілияс Жансүгіров

Біздің бақша

Бұл бетте «Біздің бақша» атты Ілияс Жансүгіров жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.07.2018
0
0
5034

Біз жатқан жердің шары өрге қарай,
Кең дала, терең теңіз, таулар талай.
Отаны ұлы Одақтың социалдық,
Ордасы көркем Мәскеу — Кеңес сарай.
Жер гүлдеп, ел түрленіп, өзен ақса,
Қол қайнап, күліп - ойнап істеп жатса,
Әлемнің алтыдан бір шенін алған,
Осы өлке тұтасымен біздің бақша.
Көркейіп, гүлденіп тұр Кеңес бағы,
Бейісте дәл осындай емес тағы!
Он беске толғанына той қып жатыр,
Бақшаның Қазақстан бір аймағы.
Қуанып, ту алып тұр біздің аймақ,
Қандаймыз, бүгін бізді көрсін жан - жақ!
«Іштен құрт, сырттан суық болмасын», - деп
Партия - ұлы бағбан бағып тұр бақ.

біздің бақша Ілияс Жансүгіров өлеңдері

Пікірлер (0)

Пікір қалдырыңыз

Жиі қойылатын сұрақтар