Хат – Ілияс Жансүгіров

Жаным, жаным,
Жаздым сәлем.
Келмеді хат,
Күттім сенен,
Бұл аманат кеткенменен.
Жазбағаның маған хатты,
Неғылғаның — жанға батты.
Ұйқым келмей қабақ қатты,
Маза бермей көп ойлатты.
Сол себепті ауыр халім,
Сол себепті құйын — қаным,
Сол себепті ауру жаным.
Не бар? Не бар?
Сенен тәтті,
Таттым қызық махаббатты,
Сағынғаннан жыр жырлаттым.
Сені, сені сағынғаным,
Сенсіз — әуре халім.
Сені ойласам ауырамын,
Сені көрсем сауығамын.
Гүлді күттім жылдан-жылға,
Гүл түспеді бақсыз қолға.
Көгерінсіз қалдым қырда,
Жалғыздықтың қорлығында,
Жалғыздыққа шарам бар ма?
Жар таппасаң, амал бар ма?
Ойын-күлкі — ол да арманда,
Ұйқы, тамақ — олардан да.