Корейская косметика премиум класса

Сағыну

  • admin
  • 12.07.2018
  • 0
  • 0
  • 3098
Жан-жағыма қараймын,
Жалғызбын мен, жалғызбын.
Серігі бар талайдың,
Бар сүйгені әркімнің.
Жан жабырқау қиналам,
Қызғанам, жаным, өзгеден,
Бар бір кісім қимаған,
Алыста сол сүйгенім.
Көптен бері барғам жоқ,
Күйігімен өртендім.
Енді шыдар дәрмен жоқ,
Ойлай-ойлай дерттендім.
Жүруге енді қалмасқа,
Билет алып отырмын.
Көкіректі отқа,
Көз жасқа
Жылай-жылай толтырдым.
Енді кетем тұрмаймын,
Ертең-ақ бет түзермін.
Енді көрмей тұрмаймын,
Атсыншы таң — іздермін.
Сонау таныс қаланың,
Мешіттерін көремін.
Сонау таныс жағаның,
Көркін көрсем не дермін?
Көзім көрген сол қала
Жылы ұшырар өзіме, іздеген жан табар да,
Жолығамын өзіңмен.
Жолыққанда өзіңе,
Қарармын-ау көзіңе.
Тоярмын-ау нұрыңа,
Қанармын-ау сөзіңе.

1932 жыл


Сапарда

  • 0
  • 0

Төніп әуе,
Тұнып теңіз,
Қызықтырған басында,
Ыңсыз, желсіз,

Толық

Біздің жазда

  • 1
  • 2

Бозторғай шырлап, жаз құсын жырлап,
Үйрек сытырлап, қаз пырлап,
Түйе боздап, қой қоздап,
Жылқы азынап, жел маздап,

Толық

«Шоқпарға»

  • 0
  • 0

Талай жылғы тандыр тау,
Талайғы кәрі байғұс - ау,
Мәзбісің тек жатқанға?
Тұншықтырып мұздарың,

Толық

Қарап көріңіз


×