Өлең, жыр, ақындар

Сүйеу қылып көңіліме

  • 12.07.2018
  • 0
  • 0
  • 3972
Сүйеу қылып көңіліме,
Сүйдім сені өміріме.
Саған қояр сұрауым:
Сен де «сүйдім!» дедің бе?
* * *
Жүрегімді идірген,
Ғашығымсың күйдірген.
Мен разы өмірге,
Сүйген үшін сүйдірген.
***
Сүйегімді босатқан,
Серігімсің жасатқан.
Сүйдім сені өміріме,
Сөзім, антым — осы айтқан!
* * *
Жанымды сен жаңартқан,
У өмірімнен тазартқан,
Жүрегімсің шер тартқан,
Серігімсің қол артқан.
* * *
Мен сүйген соң сүйерсің,
Мен күйген соң күйерсің,
Сүйгендіктен сыйлармын,
Сыйыңды өзің білерсің!
* * *
Ардақтармын сүйген соң,
Көңіліңе жіп салмаспын,
Өзгерермін біржола,
Мен бұрынғы болмаспын.
* * *
Ден қоярмын мен саған,
Білерсің де билерсің,
Сыйларсың да күтерсің,
«Би» осыған үйренсін!



Пікірлер (0)

Пікір қалдырыңыз

Шым-шытырық

  • 1
  • 3

Алған - берген,
Қалған - өлген, шым - шытырық қу заман.
Жаулаған да,
Даулаған да, сұм құзғындай шулаған.

Толық

«Россия тарихын» жазушыға

  • 0
  • 0

Тарихы оның тым көркем, түсінікті,
Бізге әбден керек деп дәлелдепті:
Заңсыз залым патша жұрт билеуін,
Болуын қолындағы қамшы мықты.

Толық

Мұңды құс

  • 1
  • 3

Бұлбұлдың сыны толады мамыр, шілде күнінде,
Қуанып сайрап қонады бірінен соң біріне.
Көлде құстар қаңқылдап, шалғынды шайқап жел соғып,
Шағала шалқып, шаңқылдап, көлден көлге құс тоғып.

Толық

Қарап көріңіз