Өлең, жыр, ақындар

Балалық

  • 20.07.2018
  • 0
  • 0
  • 2332
Базарда, базар бір базар
Қызықсың - ау, балалық!
Бедерін. гауһар, сап алтын
Жүзіксің - ау, балалық!
Аспанға күндей жарқылдап
Шығыпсың - ау, балалық!
Өмірде күміс шабықтай
Жүзіпсің - ау, балалық!
— Ей, балалық, балалық,
Тоғайдан келші тал алып.
Томпаңдап мен де ойнайын
Торала құнан саналып.
Қашағанды құр-құрлап
Ортамызға қамалық.
Қатарласа жарысып
Қиқу салып шабалық.
Күміс те емес, күн де емес,
Теңдесі жоқ балалық,
Сағынбайтын әлемде
Пендесі жоқ, балалық.
Балалық - ау, балалық,
Кел, бір ойнап таралық!
Мадақтайық бір сені
Шекеңе шоқ қадалық,
«Бірім – бірім - бірім» деп
Саусақты да саналық,
Көзді тас қып жұмалық,
«Кім түрткенін» табалық.
Кел, жарыса шабалық,
Біздің үйге баралық.
— Ей, балалық, балалық!
Есте болсын даналық,
Кім ұмытқан сабағын
Кәне кітап қаралық!
Білім шамын жағалық
Оқып өнер табалық!



Пікірлер (0)

Пікір қалдырыңыз

Достық туы

  • 0
  • 1

Мен білемін. Кешегі майданда өткен,
Достық туын Гитлер атқанда оқпен,
Орыс, қазақ, белорус, украин боп
Сол туға жаудың оғын жолатқан жоқ.

Толық

Інілеріме

  • 0
  • 1

Сырсыз емен, сырым көл,
Қасымда күнде сырласым.
Жазайын елең өрнектеп,
Інішегім тілек қылғасын.

Толық

Днепрге қарады

  • 0
  • 0

Ұрыстан кейін бір солдат
Днепрге қарады.
Сүйгісі келді құшақтап
Өзі отырған жағаны.

Толық

Қарап көріңіз