Өлең, жыр, ақындар

Днепрге қарады

  • 22.07.2018
  • 0
  • 0
  • 1580
Ұрыстан кейін бір солдат
Днепрге қарады.
Сүйгісі келді құшақтап
Өзі отырған жағаны.
Бұрқанды асау Днепр,
Толқынды беті шымырлап,
Секілді терең бейне өмір
Солдатқа бір сөз сыбырлап..,
Үзіліп солдат үн қатты
Сөзімнің тоқсан тілімен.
Минуттер өтті тым тәтті
Бара - бар ғашық сырымен...
Құшағын жаза, емірене,
Тақады суға маңдайын.
Балқыды мүлде ер дене,
Жібітті қатқан таңдайын.
Көтерді басын... көп тұрды
Дарияға түпсіз үңіліп.
Қызғаныш тартты бір түрлі,
Көңілі мыңға құбылып.
Тынымсыз соққан өмірдей,
Днепр суы зыр қақты.
Толқынмен көзге көрінбей,
Солдат ойы бірге ақты...
Ашулы беті жыбырлап,
«Ием» деді су - дағы.
Өзіне өзі сыбырлап,
«Сүйем» деді бұл - дағы.



Пікірлер (0)

Пікір қалдырыңыз

Бір ақынға

  • 0
  • 0

Балға астында «лирикаңыз»
Даусы шығады жылаған.
Ұрмашы, ақын, балғаменен
Сенен қолқам сұраған.

Толық

Түн мен күн

  • 0
  • 0

Кеш болып, түн тұнжырап күн батқанда,
Шешініп төсегімде мен жатқанда,
Ай ғана босағаға төгіп нұрын,
Тынымсыз байғыз сорлы зар қаққанда.

Толық

Мавзолейде

  • 0
  • 0

Мраморлы Мавзолейдің,
Кіріп келсем ішіне.
Көзін жұмып жатыр Ленин,
Дақ түспеген түсіне.

Толық

Қарап көріңіз