Өлең, жыр, ақындар

Орыс халқына

  • 22.07.2018
  • 0
  • 0
  • 1759
Қанды майдан дауылдардан бірге өткен
Аға халық, сенімен бір өмірім.
Досқа күндей, жауар бұлттай жауға өктем
Өз туысым деп атамас сені кім!
Орыс ұлы, сені қалай жырламай,
Егер менде жүрек болса адамдық!
Мен барыммен борыштымын бір саған,
Сен туғыздың, қайта біздер жаралдық .
Коммунизм ұлы туын нық ұстап,
Сен аттадың дауылдардан сүрінбей.
Бастады алға лениндік ұлы штаб,
Мен де сапта жүрдім батыр ініңдей.
Ізгі досым орыс жұрты кеше гөр,
Жүрегімді айта алмадым сөзбенен,
Достық нұры жарқырайды жүректе,
Әр ұлыңды көрген сайын көзбенен.



Пікірлер (0)

Пікір қалдырыңыз

Серго

  • 0
  • 0

Өмірлік жан жолдасы данышпанның
Айбатты бір тұлғасы алтын таңның.
Серго, сен бірге туған бауырымсың
Сақталған жүрегінде бар адамның.

Толық

Жетім серті

  • 0
  • 0

Қаңғып жалғыз ай далада,
Ай далада қалғанда,
Анам әліп қайғы жара
Бар денемді алғанда.

Толық

Сені мен мен

  • 0
  • 0

Сыртың сенің жылтырар, ішің мұздап,
Сөз айтасың әркімге сен жалғыздап.
Бітеу жара секілді тырс-тырс етіп,
Жұмбақ денең тұрады әр күн сыздап,

Толық

Қарап көріңіз

Пікірлер