Өлең, жыр, ақындар

Қазақ қызы Жанарға

  • 22.07.2018
  • 0
  • 0
  • 2842
(Хамар Құрбановадан)

Бармақ болып, достым Жанар, еліңе
Тағат қылмай, саған сауқат іздедім,
Оттай ыстық ақ жүзіңді көруге
Минут сайын шыдамадым, төзбедім.
Жанар үшін деп едім мен, анталап
Көктем гүлі алдыма кеп жиылды,
Қиялыма қанат бітті сол сағат,
Қуанышым дастан болып құйылды.
Сәнді сұлу ерке көктем гүлдерін
Жиды тегіс, саған букет таңдадым.
Піскен анар, тәтті беһдин1 түрлерін
Жанарға деп, Жанарға деп арнадым.
Бұл ойымнан кенет тоқтай қалдым да,
Көктем емес жүрегімді қармадым,
Жанар досым, дүниедегі ең қымбат
Махаббатым — соны саған арнадым.
Көкірек толы кең дүниедей шаттықпен
Келдім жетіп ұйғыр қызы мен Хамар,
Қатты құшып бір сүйейін ерініңнен,
Құшағыңды аш, қазақ қызы, кел Жанар!



Пікірлер (0)

Пікір қалдырыңыз

Арнау

  • 0
  • 0

Арнадым бұл жырымды, ақын, саған
Тәңірісі сұлу сөздің ағындаған.
Тәкаппар данышпаным, қабылдашы
Бір сыйды құрмет еткен сахарадан.

Толық

Лагерь жыры

  • 0
  • 3

Жаз жайнатып, күн күлдіріп,
Біз лагерьге барамыз.
Асыл жібек гүл үстінде,
Аунап ойнақ саламыз.

Толық

Мөлдір бұлақ

  • 0
  • 0

Мөлдір бұлақ,
Ақ сылдырап,
Суың кәусар, жерің бай.
Көгалың гүл,

Толық

Қарап көріңіз

Басқа да жазбалар