Шертіл бүгін

Жоқ менің тірі жанға қастандығым,
Бақытым тайған емес бастан бүгін.
Жыр болып, жүрегіңе қайта оралар,
Алдыма адалдықпен тосқан гүлің.
Қандай ашық, бұлтсыз — аспан бүгін!
Биік-биік белеске асқан күнім.
Жер бетінде қамалған ойлар қанша?
Неге тұрар, бір күнгі бостандығың!..
Әлемді қызықтырар еркіндігім,
Елім қостап, еркінше серпілді үнім.
Саған ерік берейін сері мұра,
Шертіл-шертіл, домбыра,
Шертіл бүгін!..

---