Өлең, жыр, ақындар

Балықшылар жыры

  • 16.08.2018
  • 0
  • 0
  • 1792
Жайлы тыныс, ескек желі батыстың,
Кезе алмайды бұл маңайды жат ешкім.
Көк толқынға шалма тастап асаудай,
Жүзіп жүрді балықшысы латыштың.
Теңіз кешіп осынау бір өр таңда,
Top құрады балықшылар жалтаңға.
Тез айықты ұйқысынан толқындар,
Жайын ба, әлде,
Сүңгіп кеткен шортан ба?!..
Балықшылар көшті шапшаң қимылға
"Жібек тордың тиегін тарт,
Жи мұнда..."
Жігіттердің сол бір жіті қимылы —
Ұқсап кетті құс алатын тұйғынға.
Төккен кезде мол балықты тордағы,
(Теңізшілер үшін оның зор мәні...)
Шағалалар шаңқылдай кеп құйылды,
Қуанышын жасыра алмай ол-дағы.
Салып жүріп теңізшілер бар жанын,
Сүзіп алды, теңіздің ақ маржанын.
Жағалауға жақындады қайтадан,
Сүйсінгендей көптігіне олжаның.
Аспандата әндетеді шағала,
Осы маңға жиналыпты бала да.
Қарсы алып жүр ме олар да жағада!..



Пікірлер (0)

Пікір қалдырыңыз

Мен неге кеш ұқтым...

  • 0
  • 0

Барады бұлттарды кешіп күн,
Сәулесі жер бетін есіп мың.
Далада еркіндеп өсіппін,
Жыл озды мен біраз кешіктім.

Толық

Таңсәрі

  • 0
  • 0

Өрмелеп сұлу таудың өр төсіне,
Арайын төгіп бұлттың өркешіне.
Дөңгелеп көк жиектен күн келеді,
Ұқсап бір бұл әлемнің еркесіне.

Толық

Кешіккен көктем

  • 0
  • 0

Білмеймін, кімнен сонда қызғандым мен,
Әлде анау аспандағы қызған күннен.
Әлде анау тана көл ме толықсыған,
Әлде анау сықылықтап қыздан күлген.

Толық

Қарап көріңіз