Өлең, жыр, ақындар

Баянжүрек

  • 16.08.2018
  • 0
  • 0
  • 2152
Қасиетті туған жер —
Баянжүрек,
Сусыған сәуле шашы,
Самал жібек.
Алаң ғып келмей жүрсем алыстарда,
Өзім де сағыныштан қалам жүдеп.
Сен-дағы күтесің-ау елегізіп,
(Бастан асып жүр екен деме қызық).
Кешіккенім кей кезде
Келе де алмай,
Қызың жүрер,
Жүректен өлең үзіп.
Кейде жүрек шаттанып, шабыттанып,
Кейде ойлардан тұралап
Арып-талып.
Серігу үшін ұшамын саған қарай,
Қанатты қарлығаштай
Қағып қалып.
Бауырыңа басасың құшырланып,
(Кейде шарлап жүремін түсімде анық).
Қуатты ғой ұрпағын,
О, туған жер,
Құмар тарқар өзіңді
Құшып жанып.
Сен дәйім жетелейсің —
Қияндарға,
Ақын жаны әуес қой қиялдауға.
Ақтаршы, бар сырыңды алдыма әкеп,
Мен бұрын естімеген
Бір ән бар ма.
Білесің, бар мінезді,
Балаң жайлы,
Көрмей жүрсе бұл көңіл алаңдайды.
Бал-шарбатын татқанмен
Басқа жердің, Зәуремнің тұнығындай
Бола алмайды.
Баянжүрек,
Жомартсың, жерің жайсаң,
Жасырмаймын,
Жалғансыз барымды айтам.
Арман еді-ау бұл-дағы қашаннан да,
Жайғасайын жаныңнан орын қойсаң.
Қасиетті туған жер —
Баянжүрек,
Сусыған сәуле шашы,
Самал жібек.
Алаң ғып келмей жүрсем алыстарда,
Өзім де сағыныштан қалам жүдеп.



Пікірлер (0)

Пікір қалдырыңыз

Қанатында жылдардың

  • 0
  • 0

Жастығым, сені армансыз құшып келем,
Жан өртең, жалыныңа ысып денем.
Жыр орап жүрегіме
Жылдам аққан,

Толық

Балықшылар жыры

  • 0
  • 0

Жайлы тыныс, ескек желі батыстың,
Кезе алмайды бұл маңайды жат ешкім.
Көк толқынға шалма тастап асаудай,
Жүзіп жүрді балықшысы латыштың.

Толық

Шың жүрегі

  • 0
  • 0

Күн маңдайын шың төсіне тіреді,
Ағыл-тегіл сыр шертті шың жүрегі.
Жентек-жентек қарды сайға лақтырып,
Епке көктем сақылдап кеп күледі.

Толық

Қарап көріңіз