Өлең, жыр, ақындар

Жайық жағалаулары

  • 16.08.2018
  • 0
  • 0
  • 2950
Жайқалып жатыр, Жайықтың жасыл
жағалаулары,
Жалтылдап ұшқан, бұлттарды құшқан
шағала–ау бәрі.
Атпашы, мерген, жалынам саған,
жазықсыз құстың
Жер — анаға тамады–ау қаны.
Жайқалып жатыр, Жайықтың орман
атыраулары,
Жүзіп бір өткен жігіттер анау —
батыл–ау жаны.
Жалданып аққан, жалтылдап жатқан
толқындар қандай,
Сол ма еді әлде ақын арманы.
Сыбырлап жатыр, Жайықтың күміс
толқындары,
Жағаңа келдім, жанымды сырға
толтырғалы.
Жалбырай қалып жапырақ —шашы,
ару қайыңның,
Су кешті аппақ балтырлары.
Жайқалып жатыр Жайықтың жасыл
жағалаулары,
Жалтылдап ұшқан, бұлттарды құшқан
шағала–ау бәрі.
Атпашы, мерген, жалынам саған,
жазықсыз құстың
Жер — анаға тамады–ау қаны...



Пікірлер (0)

Пікір қалдырыңыз

Өзендердің — домбыра

  • 0
  • 0

Аяулы ел бұл далаға гүл өсірген,
Гүлжамалдай мақташы қыз өсірген.
Қайсар ел бұл қашан да қиындықпен,
Беті қайтып көрмеген күресуден.

Толық

Бота қалған

  • 0
  • 0

Аңыз көп қалып қойған аталардан,
Атына қамшы ұрғызған қатал арман...
Жеті қабат жердің де жаны жара,
Әжімі мол, көп көрген жапалардан.

Толық

Ақ жаңбыр

  • 0
  • 0

Күн салқын.
Төкті жаңбыр толасы жоқ.
Қызықсың ғой өмір-ай,
Таласы көп...

Толық

Қарап көріңіз