Өлең, жыр, ақындар

Қымбатты сый

  • 19.08.2018
  • 0
  • 0
  • 7281
Дүниеде жалғыз күн бар нұры сөнбес,
Оны сөнед дегенге әлем сенбес,
Ақылдың сомдап соққан биік шыңы,
Ленин мен ұлы Сталин соған теңдес.
Еңбекке бере алатын анық баға,
Мұқтажы жоқ, ерікті халық қана,
Ондай ел — бақыт тапқан өз Отаным,
Ер ұлы ел бастаған алып дана.
Тұрған күні қара тау қалқасында,
Халқымның мен жетістім ортасында,
Халық та, мен де жеттім мұратыма,
Нұрымның Сталиндік арқасында.
Айшығы адамзаттың ұлы Ленин,
Еңбек еткен халықтың күні Ленин.
Жүрегімнің төрінде жұлдыз едің,
Мәңгілік тақтым енді сені Ленин.
Қымбат сый, қымбат бахыт шексіз құны,
Өкіметім сыйласа — халқым сыйы.
Шаттық заман арнасы ағып жатқан,
Мен емес мұны таққан — халық жыры.



Пікірлер (0)

Пікір қалдырыңыз

Зілді бұйрық

  • 1
  • 81

«Верныйден» жандаралдар бұйрық қылды,
Құйрығы бұйрығының тіпті зілді. ,
«Отыз бір - он тоғызды алад» деген
Суық хабар халықты бұлқындырды.

Толық

Сүйінбайға

  • 0
  • 8

Сүйеке, сүйенішім, өнерпазым,
Әйгілі ақылгөйі желді сөздің.
Әкежан, сен де тіле, бата берсін,
Балаңа өлең қонып, атақ ерсін!

Толық

Сарыбайға

  • 0
  • 4

Сареке, саллым бір сөз сыныңызға,»
Сіздің сын таразы ғой сырымызға.
Қолыма домбыра алып, талап қылдым,
Бересіз қандай бата ұлыңызға?

Толық

Қарап көріңіз