Өлең, жыр, ақындар

Тамызда қайтып оралшы

  • 05.09.2018
  • 0
  • 0
  • 1677
Сен
Өмірге келгеніңде гүл ең,
Сам құмы, тамызда қапырық.
Сосын өлгеніңді білем,
Тағы да тамызда шарқ ұрып.
Толқындар қап-қара шашыңда,
Бетінді жауып санаңмен.
Көз жұмдың он алты жасыңда,
Үмітті жылатып анаңмен.
Арманың аяқсыз қалды,
Болашақ, бал өмір жайлы.
Тағдыр қай аяпты жанды?
Болса да бар өңір қайғы.
Жалғанның бақыты аңыз ба?
Өлеңім тек мұңды сөз қылған.
Жан апа, оралшы тамызда
Сен туған, сосын көз жұмған...
***
Бақыттың дәмін татпадың,
Қабірдің төрін аттадың
Сен.
Арманың жайына қалды,
Ардағын қойнына алды
Жер.
Қалдым қайғымен шойындай,
Алдым – жастық мойылдай
Мен.
Жүректе назалы жыр жатты,
Көзімнің жасын құрғатты
Ел.
Шырайын қан қылып беттің,
Несіне қалдырып кеттің?
Сен...



Пікірлер (0)

Пікір қалдырыңыз

Жалғыздықтың құшағында жалықтым

  • 0
  • 0

Жалғыздықтың құшағында жалықтым,
Жалқы өткен күндерімнен өзіңсіз.
О, тәңірім, мейіріңе қарық кім?
Ерінім – құрғап қалған теңіз,

Толық

Барар едім, өмірді өртеп көргісіз

  • 0
  • 0

Барар едім, өмірді өртеп көргісіз,
Хат жазар ем, мекен - жайың белгісіз.
Ән салар ем, тәңір дауыс бермеген,
Жыр оқимын, тұла бойды кернеген.

Толық

Мен саған ораламын

  • 0
  • 0

Жоғарының қалыс қалмай жарлығы
Өзен ағып, желмен билер қоғалар.
Ең бастысы, әке, сенің барлығың,
Мұңлы күндер бірде әйтеуір жоғалар.

Толық

Қарап көріңіз