Өлеңдер Бөлімі

Сәйгүлік

  • admin
  • 05.09.2018
  • 0
  • 0
  • 1488
Ал, құрбым, көлік дайын, жүр кетелік,
Жолдардан бізді күткен бірге өтелік.
Алатауым — ақ отау мың сан қонған,
Көгілдір сағым биік тұр көтеріп.
Ән-күйдің, төгілдірген жырдың селін,
Көргенше біз асықпыз Сырдың елін.
Ағайын, дос-жарандар арасына,
Жеткенше алып-ұшып тұр жүрегім.
Зымыралық ақ құспен асулардан,
Кеудемде бұлақтайын тасулы арман.
Туған ел алақанда аяласа,
Көңілге келсін титтей жасу қайдан.
Туған дала тыныстар қолтығы кең,
Кеудеме мол сағыныш толтырып ең.
Құм – белдердің жарысып құйынымен,
Тербелейік Сыр ерке толқынымен.
Құшағын Сыр дал асы жайды бүгін,
Шалқиық шалқарында байлығының.
Кетейік көк белесте көсілтіп бір,
О, жігіттер, қайда әлгі сәйгүлігің.


Ата-мекен

  • 0
  • 0

Мекен ғой бұл тұлпардың ізі қалған,
Көкжиекті жүріпті жүзіп арман.
Домбырадан бір мезгіл күй толастап,
Арулардан нәзік ән үзіп алған...

Толық

Жолдар сыры

  • 0
  • 0

Қарт Кавказдың сапырылған бұлтындай,
Көңіл ойдан отыр енді тынбай...
Көзге таныс, көк шыңдардың қойнауы,
Қонып кеткен өр ақынның жұртындай.

Толық

Алғашқы мұң

  • 0
  • 0

Жүрмісің аман-есен, жеңгелерім,
Өзіңе қандай жанды теңгерермін.
Әзілің шалқып жатқан шалқардайын,
Толқынды құшақтаған мен кемерің.

Толық

Қарап көріңіз


Пікірлер (0)

Пікір қалдырыңыз

Басқа да жазбалар

×