Өлең, жыр, ақындар

Ақ жеңешем

  • 28.10.2018
  • 0
  • 0
  • 4152
О дариға, жарын күткен жас келін,
Ол кезде сен гүлдей нәзік,жас та едің.
Түнгі аспанда жұлдыз күліп, ай туса,
Көз алдыма келер сенің қас-көзің.
О, дариға, жарын күткен, жеңешем,
Жыр толғасам, артық айттың деме сен.
Жүректегі сезіміңді лаулаған,
Айып етпе, нұрлы күнмен теңесем.
О, дариға, аңсаттырған күндер-ай,
Ақ жүзіңді алау еткен түндер-ай,
Ата-енеңнен сағынышты жасырып,
Ақтарылып айттың екен кімге жай.
Қайран жастық, қызығыңа тоймаған,
Қу соғыста сан арманын жойды адам.
Төсегіңе жас төгілткен шағыңды,
Ақ жеңеше, тебірене ойланам.
Жаным толқып бар ойымды айта алман,
Орның сенің бөлек-ақ қой жайсаң жан.
Ақ тілеуің болар ма екен көкемді,
Қан майданнан аман-есен қайтарған.
О, дариға, жарын күткен жас келін,
Ол кезде сен гүлдей нәзік, жас та едің.
Түнгі аспанда жұлдыз күліп, ай туса,
Көз алдыма келер сенің қас-көзің.

* * *

Бұл күндері ағарыпты самайың,
Ауырлықтың арқалаған талайын.
Анау әжім өрнектеген жүзіңе,
Таңданбаймын, тек қызыға қараймын.
Бұл күндері бір биік, қиясың,
Жанарыңнан мол мейірім құясың.
Бұл күнде сен ана бүркіт сияқты,
Құзар шыңға салатұғын ұясын.
Жұрт сүйсіне айтады өзің жайында,
Қадірлісің қайнағаға, қайынға.
Көкем сыртта, ал өзінше кей-кейде
Деп қоясың "осы күннен айырма". 



Пікірлер (0)

Пікір қалдырыңыз

Ешкіөлместен ескерткіш

  • 0
  • 0

Нұрға бөлеп кең алқапты, дәндерді,
Алтын сәуле алып қырға өң берді.
Жақсы ағалар,
Жаны жайсаң құрбылар,

Толық

Нева үстінде

  • 0
  • 0

Қайшы алысты шағалалар шарқ ұрып,
Нева лықсып, қарауытты жар тұнып.
Мойнын созып қарайды алыс Аврора,
Теңселемін сабырым сонша сарқылып.

Толық

Жадыра

  • 0
  • 0

Жұртыңа берер сенің көп сыйлығың,
Жалынсың,
Жанып тұрған отсың бүгін.
Биікке қанат қағып барасың ғой,

Толық

Қарап көріңіз

Пікірлер