Кiм боламын

Армандаған қызық қой
Арманыма жетсем ғой
Мамандыққа қалаған
Лезде барып түссем ғой
Елiн, жерiн қорғайтын
Аға сержант болсам ғой
Құрманғазы бабамдай
Ұлы күйші болсам ғой
Бәрін айтта бiрiн айт
Алпамыстың денесі
iрi болды деседi
Қобыланды батырдай
Қайсар болғым келеді
Көк аспанда самғаған
Ұшқыш болғым келеді
Жарқыраған жұлдыздай
Әнші болғым келеді
Таңдайынан бал тамған
Шешен болғым келеді
Адамдарды құтқарып
Өрт сөндіргім келеді
Ұлы ақын Абайдай
Бола алмаймын қап ай-ай
Болмасаң да ұқсап бақ
Ақын болғым келеді
Адамдарды қорғайтын
Сотқа хабар жолдайтын
Заңгер болғым келеді
Ұлағатты, үлгілі
Ұстаз болсам ба екен ай
Алтын қазып шахтада
Кенші боламын мүмкін ай
Шоқан, Қаныш бабамдай
Ғалым болу мүмкін бе
Қандай маман болсам да
Елiме пайдам тисе екен ай.