Шағылма

Шағылма
~
Өмірді  бар  күйінде  қабылда,
Қайғы жұтып болмайтынға салынба.
Көк аспанда бір Алланың барында,
Еш пендеге аман болсаң жалынба.
~
Осы  дұрыс  өзіңе  де  басқағада,
Жол берме мазақпенен масқараға.
Қыбырлаған кеудеңде жаның барда,
Шағылма жанарға бір жас қадама.
~
Денің сау аманғой шүкір денең,
Қанағат жыртық жанды бүтіндеген,
Әр ісіңе нүкте қой осы бастан,
Өмір сүргің келмесе үтірменен.
~
Атырғансоң үмітпен таңдарыңды,
Алға ұмтыл өмірге сал жаныңды.
Арман сені ешқашан алдамайды,
Сенде алдай алмайсың арманыңды.
~
Өлеңді жазған:Нұрбек Бекұлы