Өлеңдер Бөлімі

Ей, қазақ жігіттері!

Ей, қазақ жігіттері жатпа қарап!
Қазақ деп бүршік атқан бұл бір дарақ!
Кешегі қазақ бабам батырлары
Ұстаған найза, балта, қару-жарақ.

Ей, қазақ жігіттері шоқ жалындар
Қазақтың бостандығын қолға алыңдар
Әлемге қазақ деген ұран айтып,
Елдікті көркейтуге жол салыңдар.

Ей, қазақ жігіттері, батырлары!
Киіз үй боп көрінген шатырлары
Ғасырдың мәселесін көтергейсің
Қазақтың ұлдары мен батылдары.

Ей, қазақ жігіттері елін сүйген
Бабалар айтқан сөзге ақыл түйген,
Бүгінгі кейбір қазақ қыздары үшін
Алаулап от секілді жанып күйген.

Ей, қазақ жігіттері ұлттан туған!
Қазақты көркейтуге білім қуған.
Басқалар атағы үшін жер өртесе
Қазақтың батырлары қорған болған.

Ей, қазақ жігіттері тірек болар,
Еліне ұрпақ сыйлап, халқым толар,
Ат мініп, көкпар тартып, қазы жеген
Қазақтың жігіттері ғана олар.

Ей, қазақ жігіттері мақтаныңдар
Осындай қазақ деген атты алыңдар.
Басқа ел жерімізді жауласа егер
Қазақ деп халқың үшін аттаныңдар!


Қарап көріңіз


Пікірлер (0)

Пікір қалдырыңыз

×