Өлең, жыр, ақындар

Тарас пен Шоқай

  • 09.03.2019
  • 0
  • 0
  • 976
Қашқар бетке буған батыл белді бір,
Петр Шаһар жас Шоқанның ерлігін,
Шарап аттап жатқан кезде,
Тарасқа,
Түн-түнектен оралатын келді күн.
Келе сала сол жұпыны күйімен,
Осында ғой, осында ғой түйін ең,
Саяхатшы поручикті тапты іздеп,
Солдат Тарас Демут қонақ үйінен.
Дос көңілге қай кезде де өріс кең,
Бары пұлын жоқпен бірге бөліскен.
Ұлы орыстың шаһарында қазағым,
Украинмен алғаш осылай көріскен.
Ақын, Ғалым түсінікті, жарасты.
Көңілдерде түсіністік жол ашты,
Тарас салған Маңғыстаудың суретін,
Тамашалап, мәңгі дос боп тарасты,
Шоқан әсте тани білген дос таңдап.
Жат еді оған көлгірсу мен жасқанбақ.
Азасында ұлы ақынның мезгілсіз,
Тұрды ғалым жанарынан жас парлап.
Көңілдерде қалтарыс көп, қуыс көп.
Азғырса да ел ажырас деп, суыс, — деп,
Кеткен орыс, украин, қазағым,
Әуелден-ақ тамыр болып, туыс боп.



Пікірлер (0)

Пікір қалдырыңыз

Махамбет пен Пушкин

  • 0
  • 0

Дананы бір кезіктірер данаға,
Ұлылықтың өз кесімі бола ма?
Александр Сергеевичті,
Текеде,

Толық

Суын айғыр барсың ба?

  • 0
  • 0

Каспий жатыр толқын ұрып айлағын,
Қиялдандым, бiр ғажап ой ойладым.
Ойладым да, айлы түнде жағаға,
Жiбек жалды боз биенi байладым.

Толық

Өзің едің

  • 0
  • 0

Қызғалдақтар гүл атқанда бақтағы,
Өзің едің өмірімнің ақ таңы.
Өзің едің қуанышым, бақытым,
Өзің едің жас жанымның тапқаны.

Толық

Қарап көріңіз