Әбділдә Тәжібаев

Қызық қой

Бұл бетте «Қызық қой» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

19.03.2019
0
0
3342

Қызық қой адамның өмірі,
Өткен күн аққан су тәрізді.
Қанша рет өзгертіп өңімді,
Қанша рет бұзды екен қанымды...
Қанша рет тоңғаным белгісіз,
Қанша рет жанғаным белгісіз.
Есімде тек қана кей күндер
Айларға, жылдарға бергісіз.
Жас едім отпенен ойнаған,
Жас едім тереңге бойлаған.
Жас едім қызыққа тоймаған,
Ертеңді кім онда ойлаған.
Білмеппін уақыттың тергерін,
Қайтадан сұрар деп бергенін.
Өтіпті есепсіз күндерім,
Білгенім, сезгенім, көргенім.
Ең үлкен шаттығым - тірлігім,
Сол ғана сүйенер, сенерім.
Кім білсін көп шығар көрерім,
Бар шығар әлі де берерім.

Әбділдә Тәжібаев өмір қызық қызық қой Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар