Өлең, жыр, ақындар

Адам

  • 21.03.2019
  • 0
  • 0
  • 1771
***
Өтіп жатыр күндер жосып бөгелмей,
Уақыт шіркін ағытылған көгендей.
Тозса да адам тұрып бағар жығылмай,
Қирағанша қасарысқан емендей.
***
Адам түк те сезбейді құя ілгері,
Бірдем әрі болғанда, бірдем бері.
Түсіп жүріп әркімнің ізіне біз,
Тозып біткен жапырақтай үзілеміз.
***
Адам тозса аянышты - ақ сымбатты:
Кетеді екен көнін уақыт құрғатып.
Қалқан құлақ, қоңқақ мұрын мүжіліп,
Қазады екен тілі ғана кіжініп.
***
Аңсап көрсең бір сағынған жаныңды,
Толқын ойдан туады өлең жалынды.
Іштен дұға оқығандай үнсіз – ақ
Айтып-айтып жібересің барыңды.
***
Қайтем мен тасбақа боп көп жасайтын,
Көрмейтін көңілім шарлар көгімді айқын,
Осы бір қысқа өмірімнің өзі қызық,
Өткізер достарыммен өлең айтып.



Пікірлер (0)

Пікір қалдырыңыз

Сайра, бұлбұл

  • 0
  • 0

Сайра, бұлбұл, сайра, сайра гүлдерге,
Жүрегіңнің сарқылғанша төк жырын.
Жырламасаң жазғы нұрлы күндерде
Қалмас күздің ызғарынан бір гүлің.

Толық

Жолдас, Навои

  • 0
  • 0

«Жолдас» десем жолдассыз, әрі ақынсыз,
Тірі жанды өлді дер қай ақылсыз!
Һәм өзбексіз, тілі бір, туысқансыз,
Бірге жасап, бізбенен бірге жүрсіз.

Толық

Ту

  • 0
  • 0

Тұрғанда ту тілдесіп биіктермен,
Көзін алмай қарайды сүйікті елден.
Алыстың да хабарын алады ол,
Жүйрік желден барлығын жиып келген.

Толық

Қарап көріңіз

Басқа да жазбалар