Өлең, жыр, ақындар

Жалшылар, міне, жеңді енді

  • 23.03.2019
  • 0
  • 0
  • 1490
Ауылда ірі байлардың
Өрісті малы бермеді,
Жалшы еңбегін жатып жеп,
Еңбек заңын көрмеді.
Күндерін көксеп датқалық,
Кеуделерін кернеді.
Малына сеніп күмпиіп,
Арамдар сөйтіп өрледі.
Сайлау болса жылтылдап,
«Мен жағыма кел, - деді.
- Көтеруге бағымды,
Құйыршық болып ер», - деді.
Советті күндеп, өсектеп,
Біле тұра сенбеді.
Қосшы ұйымын құлдар деп,
Кіжініп қолын сермеді.
«Тасқын суға бір тосу»
Дегендей, тосу келді енді.
Партия беріп басшылық
Кедейлер жеке меңгерді.
Байға жасап шабуыл,
Таразысы тең келді.
Тең келмеді - ау басынды,
Малына салып шеңгелді.
Ақ ордасын ойрандап
Жалшылар, міне, жеңді енді,

1928



Пікірлер (0)

Пікір қалдырыңыз

Боранда

  • 0
  • 0

Ызғырық аяз, қара түн,
Боранмен бірге келеміз,
Аспанда жоқ ай, жұлдыз,
Жарысып желмен келеміз.

Толық

Жарықтар туралы

  • 0
  • 0

Әрбір жарықтың өзіне лайық күші бар,
Әрбір жарықтың өзіне тән келер құсы бар,
Бір жарықтар бар жанатын, мәңгі сөнбейтін,
Дауыл соқса да, толқын басса да көнбейтін.

Толық

Туған жер туралы

  • 0
  • 1

Анамнан мен туғанда жап-жалаңаш,
Әлемге ала кеппін көзімнен жас.
Дүниеге жап-жалаңаш бірге кепті
Шырқырап мен секілді талай құрдас.

Толық

Қарап көріңіз