Боранда

Бұл бетте «Боранда» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 23.03.2019
  • 0
  • 0
  • 1701
(Азамат соғысынан)

Ызғырық аяз, қара түн,
Боранмен бірге келеміз,
Аспанда жоқ ай, жұлдыз,
Жарысып желмен келеміз.
Винтовкаға мұз қатқан
Бетті басқан ақ қырау.
Тек суымай ыстық қан,
Қайда дейміз тосқан жау?
Тыңдашы, әне, жан анам,
Жылап дауыс береді.
«Тез жет!» - деген зарлы үні
Суық түннен келеді.
− Шу, жануар, тұлпарым,
Тепсініңдер, жолдастар!
Құтқаралық, ауылды
Күлсін күткен аналар!
Жүрдік, ұзақ түн бойы,
Міне, ағарып атты таң.
Разведкадан жас жолдас
Берді хабар жаңадан:
«Жеттік, жолдас командир,
Ауыл жақын, жатыр жау!
Күзетшілер андап жүр,
Қадаулы тұр ақ жалау».
Таң астында ат қойдық,
Қалды боран жарысқан.
Қызды қырғын, қан майдан,
Оянды ауыл дабыстан.
Сынға түсті семсерлер,
Қардың бетін басты қан...
Біз де айрылдық қимайтын
Талай-талай жас жаннан.
Жалындана шықты күн,
Жусап, жайрап жатты жау.
Көтерілді қызыл ту,
Жатты құлап ақ жалау.

1936


Пікірлер (0)

Пікір қалдырыңыз

Жиі қойылатын сұрақтар

Боранда өлеңінің авторы кім?

Әбділдә Тәжібаев — осы өлеңнің авторы.

Боранда өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Боранда өлеңі не туралы?

Бұл өлеңде Әбділдә Тәжібаев өз ойы мен сезімін көркем түрде жеткізеді.

Боранда өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері