Өлең, жыр, ақындар

Қалыбекке

  • 23.03.2019
  • 0
  • 0
  • 986
Елу жылдығына

Ағамыздың, қаның таза жаныңдай,
Жүрегің от жанып тұрған жалындай.
Жарты ғасыр жасымастан жасадың
Қазағымның қайраты мен арындай,
Кім бар сені осынша елде көрмеген,
Кім бар саған осынша елде сенбеген?
Сенсің, аға, ән жырыңмен аялап,
Жан бесігін жадыраңқы тербеген.
Әділетсің - сүйіп жұртың сенеді,
Әміршісің - билігіңе ел көнеді.
Кейде уату, кейде еріксіз жылату
Бәрі өзіңнің құдіретіңнен келеді.
Танытқан сен елдің батыр, ақынын
Таптық сенен елдің сабыр, ақылын.
Өткір тілің шалғысындай өтеді –
Екі жүзді суық, болат сапының.
Ардақтысың, қаның таза жаныңдай,
Жүрегің от - лаулап жанған жалындай.
Жүз жыл жаса - еркелеткен еліңмен,
Жортуыңнан, жүйрік ата, жаңылмай.

1948



Пікірлер (0)

Пікір қалдырыңыз

Ақын лепіргенде

  • 0
  • 0

Күркіреп үнім эфирде,
Оқыдым қыстай өлеңді.
Тыңдаушым жатты төменде,
Жырларым бұлт боп жөнелді.

Толық

Ұрпаққа

  • 0
  • 0

Ұрпағым, маған құлақ ас!
Мен ертерек өткен кәріңмін.
Бірақ мен де бармын ішінде
Жанағы айтқан әніңнің.

Толық

Айнабұлақ

  • 0
  • 0

Ертеде Айнабұлақ асау болды
Ақырып асулардан тосты жолды.
Қиратып қарсыдағы қайыңдарды,
Тербетіп теректерге салды қолды.

Толық

Қарап көріңіз