Өлең, жыр, ақындар

Төрт жолдар

  • 23.03.2019
  • 0
  • 2
  • 4076
Тот басады темірді,
Сел шаяды жеңілді.
Тот баспайды ерлікті,
Сел шаймайды сенімді.
*∙*∙*
Жауың болса жолбарыс,
Арыстандай бір алыс.
Күшік үрсе қарама,
Оны жанға санама.
* * *
− Көп құтырма, биіктесең, жел қатты,
− Желде ойнауға тудым арнап қанатты
Күңгірт шамнан көрінбесе төңірек,
Жақ жарығын жүрегіңнің тезірек.
* * *
Астымда өзім туған жер,
Үстімде туған аспаным.
Оқыдым сүйіп ерлердің
Соқамен жазған дастанын.
* * *
О, дариға, қайта оралса жас шағым!
Тастап бәрін жақсы жырдан басқаның,
Бастар едім бір махаббат дастанын,
Айтар едім, айтар едім, достарым!
* * *
Мақтанамын - күнә жолын баспадым,
Тірлік үшін қасіреттен де қашпадым.
Көзіме сендім, қолыма сендім, ағайын,
Құмартпадым қызығына басқаның.
* * *
Бейбіт отан гүлдері
Жатыр жауып жерімді.
Сүйген гүл мен өмірді
Сақшыларым сенімді.
* * *
Өтінемін, жан досым, жұбатпа сен,
Шықсын әбден қасіретім көз жасыммен,
Бүгін қанша күйзеліп, күңіренсем де,
Ертең ерлік етуді білемін мен.
* * *
Асығу керек, асығу керек достарым!
Жұмыстар қанша, жұмыстар қанша бітпеген
Орындау керек тірліктің барлық жоспарын,
Адам ба тәйірі, алдынан үміт күтпеген!
* * *
Боран кеп соқса бұрқаған
Шегінбе, досым, бір қадам,
Шегінсе боран шегінсін
Әніңнен сенің шырқаған!



Пікірлер (2)

Сезім

Озат
Қуадыққызы

Сезім

. Ел_(-₸"₸'_:::3'#*пролроон

Пікір қалдырыңыз

Жаңа жылға

  • 0
  • 0

Жаңа жыл келді деп қуану
Оңай ма егде, жас адамға.
Жасырмай айтайын шынымды
Қиын-ақ... Қиын-ақ маған да.

Толық

Кел, жылдарым!

  • 0
  • 0

Декабрьдің соңғы күнін жаптым мен,
Қонақүйдің соңғы есігін жапқандай.
Жаңа жылдың тұңғыш күнін аштым мен.
Жалтыңдаған жарықтардан жасқанбай.

Толық

Отарбада

  • 0
  • 1

Бейне перне тізілген,
Шпал қалай көп еді,
Шегіндей домбыра
Рельстер күй төгеді.

Толық

Қарап көріңіз