Марфуға Айтқожина

Саусақтан күй төгілдір

Бұл бетте «Саусақтан күй төгілдір» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.04.2019
0
0
1852

Шертші, қызым, саусақтан күй төгілдір,
Жазғы аспандай жадырасын көңіл бір.
Қасірет болса оны кейін шегіндір,
Көрейінші көк теңіздің шегін бір.
Қырда қызыл қызғалдақтар қауласын,
Ақ толқындар жамырассын, аунасын,
Ғашықтардың кірпігіне жас тұнып,
Жан сезімін балқытсын да, баурасын.
Шертші, қызым, күйге бөліп түн ішін
Көл бетінде тұнып қалсын күміс үн.
Құдіретіне сиқыры мол сырлы әннің,
Менің дағы ашылар ма тынысым.
Ойна, қызым, бақта бұлбұл сайрасын,
Қыз дүние құлпырсын да жайнасын.
Осындай шалқып кетер шалқыма
О, ойнақы от сезімдер, қайдасың...

Марфуға Айтқожина саусақ күй сезім саусақтан күй төгілдір Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар