Асқар Тоқмағамбетов

Шляпа мен иесі

Бұл бетте «Шляпа мен иесі» атты Асқар Тоқмағамбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.04.2019
0
0
4411

Болмаса да жел күшті,
Шляпа бастан желге ұшты.
Шляпаға иесі, —
Сөз айтып тұр тиесі:
— Өйтіп ұшып-қонба, шляпа!
Аяқ асты болма, шляпа.
Леп тисе ұшсаң,
Шөп тисе түссең,
Шляпа емес телпек болғаның,
Басқа тиер келтек болғаның...
Шляпа да иесіне
Жауап айтты тиесілі:
— Құрметті ием,
Мен де мақтауды сүйем.
Сен көтерілсең көтеріліп,
Көкке алдымен мен тием.
Бірақ сен ие боп,
Көтердің бе, жоқ.
Көтерсең қолмен көтересің,
Онда да зормен көтересің.
Лауазым көрсең иілесің,
Лауазым күлсе сүйінесің.
Ол жатса басына жастайсың,
Ол кетсе лақтырып тастайсың,
Енді бүгін ақырып,
Желге ұштың деп қақсайсың.
Шыныңды айтшы, ием,
Мен де шындықты сүйем,
Сонда: шляпа мен бе?
Болмаса сен бе?

лауазым Асқар Тоқмағамбетов шляпа мысал шляпа мен иесі Асқар Тоқмағамбетов өлеңдері

Пікірлер (0)

Пікір қалдырыңыз

Жиі қойылатын сұрақтар