Асқар Тоқмағамбетов

Бұлбұлдың аты — бұлбұл

Бұл бетте «Бұлбұлдың аты — бұлбұл» атты Асқар Тоқмағамбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.04.2019
0
0
4234

Бір биік талға,
Қонып алып қарға,
Қанатын сілкіді,
Қарқылдай - қарқылдай
Өңеші жыртылды.
Айналаға көз салды,
Бұлбұл құсқа сөз салды:
— Ей, мүсәпір бұлбұл,
Аңдығаның гүл.
Бойыңды жазбайсың,
Биікке қонбайсың,
Аласа гүлді ағашта тұрып,
Былдырлауды қоймайсың.
Мынадай бір тұғыр тауып,
Мен сияқты ауық-ауық
Сайрап қойсаң жетпей ме,
Дыбысың әлемге кетпей ме ? -
Дегенде бұлбұл Қарғаның
Түсінді де арманын:
— Тұғырың түкке керексіз —
Бұлбұл құсқа, бұл — бір.
Екіншіден:
Қайда тұрып сайраса да,
Бұлбұлдың аты — бұлбұл.
Оған қарға түсінген жоқ,
Даусын төмен түсірген жоқ,
Әдеттегі қарқылына басты,
Бұлбұл одан аулақ қашты.

Асқар Тоқмағамбетов мысал бұлбұл қарға бұлбұлдың аты — бұлбұл Асқар Тоқмағамбетов өлеңдері

Пікірлер (0)

Пікір қалдырыңыз

Жиі қойылатын сұрақтар