Кітапхананың арызы – Асқар Тоқмағамбетов

Бұл бетте «Кітапхананың арызы» атты Асқар Тоқмағамбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 05.04.2019
  • 0
  • 0
  • 2591
— Ауданда біз шет тұрамыз,
Кейде жым-жырт боп тұрамыз.
Жел шамалы ызың етсе,
"Бізге келеді" — деп тұрамыз.
Есікті ашса - ақ дәлізі жоқ,
Бар жылуды жоқ қыламыз.
Көбіне үйде суық тұрады,
Суық "қырыққа " жуық тұрады.
Кітап оқи келгендерді
Дірдектетіп қуып тұрады.
Суық үйде кім отырсын,
Есікте үлкен құлып тұрады.
Бірлі-жарым жабуынан
Столымыз жұрдай болды.
Құрастырсақ онан-мұнан,
Өз орнында тұрмай қойды.
Ең арғысы сиямыз да,
Сауытында қатып қалды,
Шаң-тозаңға кітап біткен,
Қабат-қабат батып қалды.
Мұз боп қатқан ішкі үйіміз,
Кітаптар тұр қырауланып.
Базданбай ма, жыл бойына —
Қоймаған соң бір аударып?
* * *
Бастық түгін білмегендей,
Көзін мықтап жұмып отыр
Айтпас едік бұл сөзді біз,
Ашынғаннан шығып отыр.


Пікірлер (0)

Пікір қалдырыңыз

Жиі қойылатын сұрақтар

Кітапхананың арызы өлеңінің авторы кім?

Асқар Тоқмағамбетов — осы өлеңнің авторы.

Кітапхананың арызы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Кітапхананың арызы өлеңі не туралы?

Бұл өлеңде Асқар Тоқмағамбетов өз ойы мен сезімін көркем түрде жеткізеді.

Кітапхананың арызы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері