Фариза апайға

Аппақ мөлдір сезімдеріңіз үшін,
сезімге беріліп, езілгеніңіз үшін,
көз ілмейтұғын төзімдеріңіз үшін,
дара тұлға боп көрінгеніңіз үшін –
біз Сізге бас иеміз!
Ақындық шабыт шаттықтарыңыз үшін,
толғана отырып, аптыққаныңыз үшін,
ақын жүректі пәктіктеріңіз үшін –
парасат тұтар ақтық арыңыз үшін –
біз Сізге бас иеміз!
Даналық әрбір жырларыңыз үшін,
ақылға толы сырларыңыз үшін,
халқыңыздың мақтаулы қызы -
Фариза болып тұрғаныңыз үшін
біз Сізге бас иеміз!
Шабыт отына жана беріңіз,
өмірден бақыт таба беріңіз.
Қазақ халқының ән-жыр бағына
жыршы бұлбұл боп дара қоныңыз!