Өлең, жыр, ақындар

Сол тойда қырғыз жыршыларының айтқаны

  • 10.04.2019
  • 0
  • 0
  • 1499
X а л ы қ а қ ы н:
Бұғы сайлаған елден келдім,
Қошқар жұмқал жерден келдім.
Атасызды ұққанменен,
Алтын жүзік көрмеп едім,
Шертпегімді тағынып келдім.
Сірә болмаса қағылып келдім.
Қазақ пен қырғыз туысқан
Өмілдірік - құйысқан.
Кенехан мен Орманхан
Надандықтан ұрысқан.
Мынау жорға ат әкелдік,
Ер - тұрманын сап келдік.
Жамбыл ата, мініп ал,
Белге домбыра іліп ал.
Достық жолды біліп ал.
Тоқсанда торқа орандың,
Мәскеу барып нұр алдың.
Ақ қалпақты қырғыздың
Атынан сәлем жырладым.
Құтты болсын тойыңыз
Халық ініңнен қол алғын.
Ә л і м қ ұ л а қ ы н:
Ау, Жамбыл, алып атамыз.
Саяңызда жатамыз.
Тоқсанда топтан озғанға
Құтты болсын айтамыз.
Жамбыл ата-бабамыз
Біз де сізге баламыз.
Тоқтағұлдың атынан
Бұлғын ішік жабамыз.
Ақ қалпағын киіп ап,
Айнаменен қараңыз.
Бізді өзіңе санаңыз.
Сізден үлгі аламыз.
Қазақ,
қырғыз бауырлас,
Қатар жатқан ауылдас.
Бірге көшіп,
бір ішіп,
Бір ниетіңе ұйымдас.
Қызды беріп, қыз алып,
Құлай сүйсе қарындас,
Берекелі «бесбармақ»,
Аулымыздан айрылмас,
Киген киім кең етек,
Мінген аты бауырлас,
Ата Жамбыл, риза бол,
Топқа жырым асыл тас!



Пікірлер (0)

Пікір қалдырыңыз

Құдасының айтқаны

  • 0
  • 0

Ей, құда, үстіңде жоқ киім, деді.
Табуын қалың малды қиын, деді.
Қызымды қу кедейге бере алмаймын,
Байлауым осы соңғы түйін, деді.

Толық

Жамбылды қонаққа шақыру

  • 0
  • 0

Қордай мен Красногор қатар жатқан,
Ол кезде қосылған жоқ әр тараптан.
«Жамбылды алып кел» деп екі аудан ел
Жұмсады сонда мені (емес мақтан).

Толық

Кенен мен Есдәулет айтысы

  • 0
  • 0

Көсем адам сөз бастар,
Көпті көрген жол бастар.
Батыр адам қол бастар,
Көсем серке қой бастар,

Толық

Қарап көріңіз