Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Ұядан ұшқанда

Тұрмағамбет Ізтілеуұлы

Ұядан ұшқанда

  • 18.04.2019
  • 0
  • 0
  • 3043
Пайда көп өмір сүрсең, өнерінде,
Нәрсе жоқ өнетұғын өлерінде.
Ойыңа тіпті өлмейтін сияқтысың,
Әр жаққа ақылыңды бөлерінде.
Тіріңде тіршілік қып тырбанасың,
Жаһанға жаратылып келерінде.
Ұшқанда алар аңың сол болады:
Ұяңнан нені көрсең, өрерінде.
Пайда жоқ ойға түскен өкініштен,
Әр істі алдындағы көрерінде.
Кетпейсің қолыңа алып еш нәрсені
Күні ертең көз жұмылып жөнерінде.
Түйедей тиын көзге көрінеді,
Қарызыңды қиындықта төлерінде.
Сөз қалдыр соңғыларға, сынап көрсін
Сарқылып, шамдай, Төке, сөнерінде.

1910

Тұрмағамбет Ізтілеуұлы ұя ұядан ұшқанда Тұрмағамбет Ізтілеуұлы өлеңдері

Пікірлер (0)

Пікір қалдырыңыз

Құрдасына

  • 0
  • 0

Соғып бер, сөзді қой да, маған шаппа,
Соқпасқа сылтауратып, дәлел таппа!
Шебердің, қалайда да, қолы ортақ,
Кіржиіп, кірпігіңмен көзің жаппа.

Толық

Жиенбай жыраудың баласы Рүстембекке

  • 0
  • 0

Жерінді сұра шырақтанымаған,
Қиял сөз қиын емес әлі маған.
Атақты Алла берген байларға ұят,
Қоңсысы қасындағы жарымаған.

Толық

Күйігің кетті, балам, өртеп ішті

  • 0
  • 0

Күйігің кетті, балам, өртеп ішті,
Қаусата қабырғамды қатаң қысты!
Сабыр етіп соңын мұның сұрамасақ,
Шара не Саттар Хаққа үкімі күшті?!

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер