Өлең, жыр, ақындар

Кішкентай Құралайға

  • 22.04.2019
  • 0
  • 0
  • 8976
Құралай деп қойыпты саған да атты,
Сол есім атаңды көп алаңдатты.
Жүрісің мен тұрысың, есімің де
Ұнап бара жатыр-ау маған қатты.

Толар еді-ау шаттыққа көзі бір сәт
Балалықтың айтылар сөзін ұқсақ,
Қойып кеттің қорықпай, суға жүздің,
Құралайдай тәтеңнің өзіне ұқсап.

Қарсы алып бір қалың ел құрметпенен,
Көп қарар-ау көзіңе нұр кетпеген.
Мүмкін, ғылым қуарсың сол тәтеңдей,
Бақытына жетерсің ол жетпеген.

Бәрі мүмкін, Құралай, мүмкін бәрі,
Сағынышын самалдың гүл тыңдады.
Көз алдыма келеді сені көрсем,
Жаздыкүнгі даланың құлпырғаны.

Әжеңді сен ұмытпа бала баққан,
Қолыңнан ап ауылды аралатқан.
Жеріңді сүй, Құралай, тәтең құсап,
Еліңді сүй ертеңге бара жатқан.



Пікірлер (0)

Пікір қалдырыңыз

Күз

  • 0
  • 1

Сап-сары күз соныменен келді ме,
Ағаштардан жапырақтар төгілді.
Несібесін жинап жатыр ел міне,
Ауыл маңы бұрынғыдан көңілді.

Толық

Азайып бара жатыр біздің бұлақ

  • 0
  • 0

Азайып бара жатыр біздің бұлақ,
Көзіне қарағышпыз қыздың бірақ.
Көктем келсе, жолында жазға соқпай,
Өтіп бара жатады күз зымырап.

Толық

Жайлау ғой мынау жарасқан

  • 0
  • 0

Жайлау ғой мынау жарасқан
Арал – төбе бауыры.
Төбеден неге әрі асқан
Сәулешімнің ауылы

Толық

Қарап көріңіз